Falana, NLC sunyi Allah wadai da yunkurin majalisa

– Falan, NLC, TMC sunyi Allah wadai da yunkurin da wasu Sanatoci suke yi domin su canza dokar CCB da CCT saboda Bukola Saraki

– Kungiyoyin sunyi kira ga kakakin Mjalisar Wakilai, Yakubu Dogara, da kada ya biye masu

Manyan labarai na ranar Talata

Kungiyoyin NLC, TMC da Femi Falana sunyi Allah wadai da yunkuirin da wasu Sanatoci sukeyi domin su canza dokokin CCB da CCT domin shugaban Majalisar Dattawa Bukola Saraki kada ya cigaba da fuskantar shari’ar dake gaban shi.

KU KARANTA: Kasashe masu mai na duniya sun kasa cinma yarjejeniya

Falana ya bayyan cewa a matsayin su na Sanatoci suna da ikon da zasu iya yin haka, amma a wannan lokacin da shugaban majalisar Dattawan yake fuskantar shari’a a gaban kotun CCT, bai kamata suyi yunkurin canza dokar ba.

Falana Yace ” Lallai abun mamaki ne ace tun da majalisar dattawa bata gano cewa akwai matsala da dokokin CCT ba sai yanzu da shugaban majalisa yake fuskantar shari’a a gaban kotun. Mutane da yawa sunyi imani cewa suna kokarin yin hakan ne kawai domin su canza dokar ta ba Saraki dama.

” A namu bangaren, bamu tunanin cewa alfarmar shugaban majalisar dattawa ta kai haka. Domin a doka, shugaban kasa ne da mataimakin shi, sai gwamnoni da mataimakan su kawai suke da alfarma na kin fuskantar shari’a. Abunda Sanatoci suke so suyi babba ne.

TMC a bangaren ta tayi kira ga majalisar dattawan kada ta bari ta shiga cikin wannan abun.

Suka ce ” Mu abunda muka sani shine, shari’ar da Saraki yake fuskanta a gaban kotun CCT wannan nmatsalar shi ce. Amma ta yaya majalisar dattawa zatayi kokarin shigowa domin tayi amfani da karfin ta ta kubutar dashi.

Falana yayi kira ga kakain majalisar wakilai, Yakubu Dogara, da kada ya taimake su a canza dkar ta CCT da CCB din.

Falana ya bayyana cewa canza dokar ya saba ma kunfun tsarin mulkin Najeriya kuma idan akayi hakan dokar ta zama banza wofi kuma baza tayi aiki ba a fadin Tarayyar Najeriya.

The post Falana, NLC sunyi Allah wadai da yunkurin majalisa appeared first on Nigeria News today & Breaking news | Read on NAIJ.COM.

Falana, NLC sunyi Allah wadai da yunkurin majalisa